Mark Irvin E. Dongon ABM-A
“Kalamidad at sakuna, Saan Nagmula”
Sa panahon ngayon, kataka-taka na at hindi na pang
karaniwan ang mga kalamidad at sakuna na dumarating sa mundo natin. Halos
araw-araw ay lumilindol sa iba`t-ibang panig ng mundo. Idagdag pa ang mga
malalakas na uri ng bagyo.
Kung matatandaan natin noong
nanalasa ang Bagyong Sendong. Habang bumabangon pa lamang ang
mga kababayan natin mula sa kalunos-lunos na kalamidad na nagdulot ng malawakang
pagkasawi ng buhay at ari-arian, ilang probinsiya naman sa Pilipinas ang
nakaranas ng pagbaha at pagguho ng lupa sa loob lamang ng tatlong linggo. Ilang
araw matapos kinitil ng Sendong ang buhay ng 1,257 katao. Habang dumagsa ang tulong na pinapaabot sa mga nasalanta ng pagbaha at landslide, sumagi
naman sa isipan ng maraming Pilipino ang ilang
katanungan. Bagamat sanay na ang bansa sa mga pagbaha at pagguho ng lupa,
naging kataka-taka ang lawak ng mga kalamidad kamakailan: ano ang mga dahilan
sa likod nito, at bakit ito nagiging mas madalas at mas mabagsik? Ano ang
maaaring gawin upang maiwasan o mapaghandaan ito sa hinaharap?
Ayon kay Antonio J. Ledesma, SJ, Arsobispo ng bayan ng
Cagayan de Oro, pagtotroso at pagmimina ay dalawa sa mga
sanhi ng nasabing delubyo: nakaranas ang siyudad ng matinding pagbaha. Maraming
matatanda ang nagsabing nangyayari lang ang ganitong klaseng pagbaha sa loob ng
apatnapung taon. Subalit tatlong taon lang ang nakalipas, dumating ang mas
malupit na delubyong hatid ng Bagyong Sendong. Dinulot ng iligal na pagtotroso
at iresponsableng pagmimina ang pagkasira ng kalikasan at ang pagkaipon ng
malambot na lupa sa ilalim ng mga ilog. Nakaharang din siguro sa natural na
daloy ng tubig ang ilang istrakturang gawa ng tao.
Sinisi naman ng blog na Dugo at Panulat ang pamahalaang Aquino, dahil hinayaan nito ang
pagtotroso at pagmimina ng ilang malalaking kompanya sa ating bansa:
Pinahihintulutan ng gobyerno ang pagmimina at pagtrotroso ng mga naghaharing
korporasyon at ng kapatid nitong gahamang dayuhan. Pinahihintulutan ng gobyerno
na gahasain ng magkapatid ang ating likas na yaman kapalit ng konting kita at
pamumuhunan ng mga ito. Laganap din ang kumbersiyon ng kagubatan upang gawing
plantasyon ng pinya, jatropha, saging, at iba pang export crops, ayon sa
maka-kalikasang grupo na Panalipdan Mindanao. Ayon sa mga pag-aaral mula sa
National Institute of Geological Sciences, ang CdO ay lalong nagiging
bulnerable sa baha dahil sa kumbersyon ng 2,000 ektarya ng kagubatan sa Upper
Pulangi Watershed upang gawing taniman ng pinya ng Del Monte Philippines—isa sa
pinakamamaking exporter ng pinya sa buong mundo.
Hindi naman pinalampas ng mga
maka-kalikasang grupo na banggitin ang isang
geo-hazard na pag-aaral na
ginawa ng Unibersidad ng PIlipinas, kung saan tinukoy ang mga kakulangan ng
gobyerno sa nangyaring trahedya. Ayon sa isang
pahayag ni Phillip Romualdez, Pangulo ng
CMP. “Kinumpirma ng Mines and Geosciences Bureau na walang nagaganap na
malakihang operasyon ng pagmimina sa Cagayan de Oro at Iligan…,”
Hindi man ito ang panahon para sa magsisihan, dapat matukoy ang
mga pananagutan. Sa ibang bansa, gaya ng bansang Hapon, naging bukal sa loob ng
mga opisyales na pasanin ang responsibilidad at magbitiw sa tungkulin. Sa
kasamaang palad, wala tayong ganoong tradisyon. Pinapaubaya ko na sa mga
itinalaga ng Pangulo upang mag-imbestiga sa nangyari, bagamat mas obhektibo
sana kung isang hiwalay na komisyon ang gumagawa ng imbestigasyon. Gayunpaman,
anuman ang kanilang mahanap, hinihiling ko na magsampa sila agad ng kaukulang
kasong kriminal, sibil at administratibo sa mga opisyales na nagpabaya. Nais
kong makitang maisuplong ang mga opisyales na nagbigay pahintulot sa mga
aktibidad kaya't lalong lumala ang naging pinsala, o di kaya ‘yung mga taong may
impormasyon at kapangyarihan upang maiwasan ang sakuna (subalit pinili na
pabayaan ito).
Walang komento:
Mag-post ng isang Komento