Bisyo ng Kabataan ,Paano
Mapipigilan?
Sa panahon ngayon,karamihan sa mga
kabataan ay nahuhumaling sa iba't-ibang bisyo na siyang nagiging dahilan ng
paunti-unti nilang pagbabago.Ilan sa mga bisyong ito ay ang
paninigarilyo,pag-inom ng alak,pagsusugal at mas masaklap ay ang paggamit ng
mga ipinagbabawal na gamot.Bakit nga ba nahuhumaling ang mga kabataan sa
bisyong ito?Di ba nila inisip kung ano ang maaaring maidulot ng mga ito hindi
lang sa kanilang sarili pati na rin sa kanilang kalusugan?Sino na lamang ang
makakapag pigil sa kanila?
Bilang isang estudyante at isang
kabataan,nagtataka ako kung bakit ilan sa mga kapwa ko kabataan ay nahuhumaling
sa mga bisyong makakasira sa kanila. Marahil sa problemang kanilang dinadala o
kaya naman impluwensiya lang ng mga kaibigan nila.Gayunpaman kailangan din
namang isipin nila at isaalang-alang kung ano ang kanilang kahihinatnan dahilan
ng kanilang kahumalingan sa bawat bisyo.Halimbawa na lamang ang
paninigarilyo.Ayon kay Roel Calma,mula sa survey,ang paninigarilyo ay ang una
sa mga bisyong kinahuhumalingan ngayon ng maraming kabataan.Halos kalahating
porsyento sa bilang ng ating mga kabataan sa ngayon ang nakatikim o nakaranasan
nang manigarilyo.Dito sa ating bansa,ang mga kabataan ay nagsisimulang
manigarilyo sa edad na pitong (7) taon.Nagiging regular na ang paninigarilyo sa
edad na 13 hanggang 15 taong gulang.Isang tao kada 13 segundo,o isang milyong
katao taun-taon ang namamatay dahil sa paninigarilyo.Ang paninigarilyo ay sanhi
rin ng mga sakit sa puso,baga,kanser,diabetes,osteoporosis at marami pang
iba.Ito din ay madalas na sanhi ng pag-atake ng hika.
Alam kong karamihan sa mga kabataan
ngayon ay alam kung ano ang maaaring maidulot sa kanila ng masasamang
bisyo.Bukod sa kahumalingan sa mga ito maaari ring maging dahilan ang kawalan
ng suporta mula sa kanilang pamilya.Gaya na lamang nang gabay mula sa mga
magulang na siyang pangunahing kailangan ng mga anak mula sa kanila,maaaring
nawalan ng atensyon ang mga magulang kaya naman hindi na nila napapansin kung
ano ang mga pinag-gagagawa ng kanilang anak,kaya't ang mga anak naman ay
malayang nagagawa ang mga bagay na ito.Isa ring dahilan ang pagsama sa mga
barkada o tinuturing na kaibigan.Naiimpluwensyahan ang bawat isa sa kanila lalo
na't hinahayaan lang naman nila na impluwensyahan sila,kasabay na nito ang
paglagay nila sa kanilang sarili maging sa kanilang buhay sa
kapahamakan.Gayunpaman kailangan ng mga kabataan natin ngayon ng tamang gabay
hindi lang mula sa kanilang pamilya pati na rin sa kanilang lipunan.
Ang mga gabay na ito ay isa sa
maaaring maging dahilan mg mga kabataan sa pagtigil nila sa masasamang
bisyo.Ngunit sarili parin nila ang tanging makakatulong sa pag-iwas at pagtigil
sa pagkahumaling rito Dahil sarili lang natin ang nakakakontrol at
makakakontrol sa mga bagay na nagagawa at magagawa natin.Sabihin man nating
matututo tayong umiwas sa mga bagay na maghahatid satin sa kapahamakan,isa-isip
parin natin na lahat ng bagay ay may hangganan,hangganan kung saan maaari
tayong maging masaya kung ito ay maaga nating naagapan o nasolusyunan ,maging
malungkot kung ito ay di man lang natin nagawang solusyunan at iwasan.Sa
madaling sabi sarili lang natin ang mismong makakatulong satin sa pag papaunlad
ng mga bagay-bagay tungkol sa sarili natin.
Sa kabila ng lahat ng ito,nais kong
ang bawat isa sa atin ay maging mabuting huwaran,maging maalam sa mga paksang
may kaugnayan sa iba't-ibang bisyo kabilang narin sa mga epekto nito,maging
tapat,maging bukas ang kalooban sa bawat isa nang sa gayon ay hindi tayo
mahihirapan sa pagtitiwala sa kahit sino man,pagtibayin rin natin ang ating
relasyon sa ating pamilya na syang handang gumabay at sumuporta saatin sa
anumang bagay na tatahakin natin.Huwag tayong mag padala sa tukso na nagbibigay
ng masasamang epekto sa ating buhay.Huwag nating hintayin na humantong sa
pinakamalalang kondisyon at masira ang ating buhay at mauwi sa
kapahamakan.Huwag tayong matakot,ipakita natin sa ating henerasyon na
nagsisilbing "Ang Kabataan ang Pag-asa ng Bayan." Sa ating pag babago
at kung ano man ang ating tatahakin sa ating buhay,huwag tayong mawalan ng
pag-asa.Isa-isip natin na "Habang may Buhay may Pag-asa."
Mula sa:http://roelcama.blogspot.com/?m=1
Ipinaskil noong 15:37am,Martes,Mayo 20,2014
Myla P. Moreno ABM A
napaka husay!
TumugonBurahin