Ang Kanser Sa Baga
Ang
baga ay isang organ na nagsasala ng hangin sa ating katawan upang tayo ay
makahinga. Ngunit dahil sa kapabayaan minsan ng tao ay nagkakaroon ang baga ng
iba't ibang sakit, na minsan o kadalasan ay nagdudulot sa kamatayan ng isang
tao. Isa na rito ang kanser sa baga.
Ayon
sa diksiyunaryo, ang kanser sa baga ay isang uri ng kanser na umaatake sa baga.
Ito ay binigyan at mas pinaliwanag pa ng DOH ( Department Of Health ). Ayon sa
kanila, ang mga selula ng kanser ay di-pangkaraniwang selula. Mas mabilis na
tumubo at nahahati ang mga selula ng kanser kaysa malusog na selula. Maaring
maging tumor ang ibang selula ng kanser. Ang kanser sa baga ay nangyayari kapag
ang selula sa baga ay nag-iiba at nagiging di pangkaraniwan. Ang selula ng kanser
ay maaaring maglakbay sa pamamagitan ng sistemang limpatika, papunta sa ibang
lugar o organ ng katawan. Ang tawag dito ay metastasis.
Ayon
din sa kanila, ang nangungunang dahilan ng pagkakaroon ng ganitong sakit ay ang
paninigarilyo. Higit na mataas ang tsansa ng pagkakaroon ng kanser sa baga ang
taong chain smoker. Ngunit hindi lamang ang mga naninigarilyo ang maaring
magkasakit nito kundi ang mga taong nakapaligid dito na nakakalanghap ng usok
mula sa sigarilyo. Tinatawag din itong passive smoking o second-hand smoking.
Bukod sa paninigarilyo ay may ilan pang itinuturing na sanhi ng pagkakaroon ng
lung kanser kagaya ng asbestos. Ang hibla ng asbestos ay isang uri ng hibla ng silica, ang materyal
na ginagamit sa paggawa ng salamin. Kapag nalanghap at napunta sa baga, maaring
makapagdulot ng kanser sa baga, hindi ito
basta bastang nawawala kapag nakapasok at dumikit sa baga. Isa pa sa mga
sanhi ng kanser sa baga ay ang randon gas, isa itong hangin na radioactive. Ang
kanser sa baga ay namamana rin at nakukuha sa polusyon sa hangin.
Ang
kanser sa baga ay may roon ding mga palatandaan, sa una, hindi kakikitaan ng
anumang pala tandaan ang isang taong may kanser sa baga. Ngunit kung ika'y
nakaramdam na ng ubong hindi gumagaling, pagsuka ng dugo, kakapusan ng hininga,
pag - aaganas, pagkawala ng ganang kumain, at pagkaramdam ng sobrang pagod. Ito
ang maaari gawin ayon sa DOH. Maaari kang sumailalim sa biyopsis.Ang maliliit
na mga muwestra ng tomor na tinatawag biyopsis ay kinukuha upang malaman kung
anong uri ng kanser sa baga ang mayroon. Ang impormasyong ito ay makaktulong sa
doktor sa pag plano ng inyong lunas.Pag-uusapan ang mga opsyon ng lunas.Ilan sa
karaniwang paraan ng mga lunas ay operasyon upang tanggalin ang tomor at
kalapit na himaymay, teraping radiation upang wasakin ang selula ng kanser at
mga gamot ng kemoterapi para wasakin ito.
Kaya ang kanser
sa baga ay nakakapaminsala. Ngunit kahit na ganoon ay ito ay madali lang iwasan.
Pero kahit ito ay madali lang iwasan, marami pa rin ang mga taong nagkakaroon
nito. Sa paglipas ng panahon, maraming bagay ang nauuso na hindi natin na alam
na nakakapaminsala na pala ito sa atin. Kagaya na lang ng paninigarilyo. Kaya
di maipagkakailang kahit mga minorde edad pa lang ay pwede ng magkaroon ng
ganitong sakit. Ang kalusugan ay kayamanan, dapat itong pangalagaan. Sa tamang
pagkain, ehersisyo at pag-iwas sa bisyo, kalusugan ng ating katawan ang
makakamit.
Isinulat ni: Rodshel Yogun A. Bayona
Sangunian: http://www.doh.gov.ph/search/node/lung%20cancer
Walang komento:
Mag-post ng isang Komento