Bilang ng mga Pamilyang Naghihirap sa
                                                Ating bansa

               Ang kahirapan ay isang katayuan,ito din ay isang problema na kinakaharap ng ating bansa. Sabihin man nating nakakasabay tayo sa pag unlad pag dating sa teknolohiya,di natin ikakaila na maraming pamilya ang nagugutom at nag hihirap sa ating nasyon.                                                                                                                                                                                                              Ayun sa pinakahuling survey ng Social Weather Station (SWS) mahigit kumulang sa tatlong milyong pamilya sa Pilipinas ay nakakaranas ng "Moderate Hunger" o isang beses na lang nakakakain sa isang araw. Habang meron namang pitong daang libong pamilyang Pilipino ang nagugutom at nakakaranas ng matinding kahirapan. Ayun di sa survey na ito inilathala sa Business World na 12.1 milyong pamilya umano ang nakakaranas ng matinding kahirapan sa bansa.

                       Sa nasabing survey mas lalo pang tumaas ang bilang ng mga pamilyang nagugutom sa lugar ng Metro Manila. Subalit sa Mindanao naman na itala ang pinaka mataas na bilang ng mga nagugutom na umabot sa mahigit isang milyong pamilya. Di rin natin maitatago  ang masakit na katotohanan na ito sapagkat kung ating susuriin ay parami na ng parami ang mga bata na namamalimos at mga tao na namamatay dala ng matinding pangagailangan at kahirapan.

                        Nakakaalarma ang patuloy na pag taas  ng bilang ng mga mahihirap sa bansa .Kung tutuusin halos kalahati ng populasyon ay kabilang dito. Sapagkat mula sa graph na nailathala din sa pahayagan ng business world, front page may petsang January 12, 2009 ipinakita dito na mula pa noong rehimang Marcos hanggang Arroyo administration ay naghihirap na. Sa panahon ng rehimang Marcos ay mahigit 70% bilang ng mahihirap na Pilipino habang bumaba ito ng 52% sa ilalim ng Arroyo Administration. 

                          Sa kasalukuyan meron ng 102,467,483 na populasyon ang Pilipinas at kilala bilang ika 13 na pinaka maraming  bilang ng populasyon sa buong mundo.Bilang mga kabataan na "Pag asa" ng bayan alamin natin ang mga kaganapan sa ating bansa,bigyang pansin ito at wag ipag walang bahala.

                                                                                  Impormatibong teksto ni:

                                                                                        Rikki Mae Gavica