Fredamy Jane P. Nanale ABM-A - EPEKTO NG SOCIAL MEDIA SA MA KABATAAN

EPEKTO NG SOCIAL MEDIA SA MA KABATAAN

   Sa bawat henerasyon ng makabagong teknolohiya ay maraming kahalagahan ang naiaambag nito sa ating pamumuhay araw-araw. Hindi maipagkakaila na ang mga social networking sites ay isa sa naging produkto ng makabagong panahon. Napabibilis nito ang komunikasyon. Ayon kay Espina at Borja(1996), ang  komunikasyon ay isang makabuluhang kasangkapan upang maangkin ang bawat nilikha, ang kakayahang maipaliwanag nang buong linaw ang kaniyang iniisip at nadarama. Dito kusang umuusbong ang isang matatag na pagkakaunawaan at relasyon ng mga tao sa isang lipunan. Nagiging bukas ang isipan sa mga pangyayari sa loob at labas ng ating bansa at nagsisilbing libangan ng karamihan. Ngunit sa kabilang dako, nagiging bulag tayong mga tao sa maaaring dulot o epekto nito sa atin.

 Ayon sa pag-aaral may malaking papel na ginagampanan sa paghubog ng kagandahang-asal ng mga estudyante ang social networking sites na maaring makatulong sa mga kabataan. Nahuhubog ang mga kabataan sa maraming kaalaman kaakibat ang mga naidudulot ng makabagong teknolohiya. Nabubuhay sila sa kakaibang mundo, mundong punong-puno ng pagbabago kung ikukumpara sa pamumuhay noong panahon, mundong patuloy na naghahanap o nag iimbento ng mga kakaibang bagay upang maiba ang takbo ng pamumuhay ng bawat tao sa mga darating pang bukas. Ating alamin kung ano ba ang impluwensiya ng social media sa mga kabataan at kung paano ito   nagiging epektibong gamitin sa kabutihan at kung paano ito makakasama sa bawat taong gumagamit nito ng sobra.

                  

                 Ayon sa Abante Tonite, noong dekada 70 at 80, ang media ay binubuo lamang ng tri-media. Ang peryodiko o print media at ang radyo o telebisyon  bilang broadcast media. Ngunit dahil sa napakalawak na kaalaman ng mga tao itoy naging mas umunlad at nagamit upang makatulong na mapadali ang pakikipagkomunikasyon ng mga tao sa buong mundo. Malaki ang impluwensya ng social media sites sa bawat  kabataan sa larangan napakikipagkapwa-tao. Kung ating susuriing mabuti, malaki ang deperensiya ng mga kabataan noon kaysa sa ngayon. Kalimitan lamang sa mga kabataan noon ay ang mayroong cellphone at kompyuter, ngunit itoy nagagamit nila sa paggawa ng mahahalagang bagay lamang kya nagkakaroon pa sila ng maraming oras na gawin ang mga gawaing-bahay na naiaatang sa kanila ng kanilang mga magulang. Noon kapag may takdang araling ibinibigay ang guro sa mga mag-aaral, pupunta agad sila sa silid-aklatan upang maghanap ng impormasyon. Kung ating susuriin mas magandang  maghanap ng mga impormasyon sa mga aklat dahil ang mga makukuha nating impormasyon dito ay tama, kaysa impormasyon na makikita natin ngayon sa internet na hindi lahat ay totoo.

                  Ayon din sa Abante Tonite, ang mga kabataan ngayon ay mas binibigyang pansin ang mga social media site gaya ng facebook, Twitter , Google, YouTube at Instagram. Ang mga ito ay may positibo at negatibong naidudulot sa mga kabataan. Ang positibong naidudulot nito sa mga kabataan ay kapag may hahanapin silang mahalagang impormasyon mula sa Google, isang click lang ay ayon na at nasa harapan na nila ang gusto nilang malaman tungkol sa mga bagay- bagay, napapadali ang paggawa nila ng kanilang takdang aralin at mga proyekto at  dahil dito napalalawak ang kanilang kaalaman at nagkakaroon sila ng kamalyan kung anong nangyayari hindi lang sa sarili nilang bansa kundi pati rin sa mga kaganapan sa buong mundo. Sa paggamit ng face book, Twitter, YouTube at Instagram, ang mga sites na ito ay hinahayaan ang ating mga kabataan na makita kung sino at ano ang nais nilang makita, halimbawa nito ang kanilang pamilya at mga kaibigan. Sa Youtube naman, kapag nag upload ng video ay may posibleng magtrending dahil sunod sa uso at ang iba ay nagiging sikat. Ang negatibong epekto naman ay ang mga kabataan ay magiging tamad sa kanilang mga gawaing bahay, nababalewala ang mga aklat sa pagsasaliksik ng impormasyon at minsan nagagmit ito sa kasamaan para manloko ng kapwa.

                  Ang kabataan ay kailangang maging mabusisi at maingat sa paggamit ng mga social media. Maging matalino sa paggawa ng mga bagay-bagay gamit ang social media, alamin ang bawat kahihinatnan ng bawat sasabihin o gagawin at hindi lahat ng bagay kailangang sabihin at maipaalam sa ibang tao.  Huwag hayaang kontrolin ang bawat kabataan ng makabagong pakikipagkomunikasyon, gawin lamang itong libangan at gamitin sa mahahalaga at mabubuting pakikipagkapwa-tao.